വേര്പാട്
പരിചയങ്ങള് പുതുക്കണം!
ശ്വാസം മുട്ടിക്കുന്ന
ഭാഷാവൈവിധ്യങ്ങള്ക്കിടയില്
അമ്മ മലയാളത്തിന്റെ
മൊഴിമുത്തുകള്
ചിതറിക്കേട്ടപ്പോള്
ആ ദിശയിലേയ്ക്ക് ചെവികളും,
പിന്നെ പാദങ്ങളും ചലിച്ചു.
അവിടത്തെ ചിരികള്ക്ക്
തെങ്ങിന് തോട്ടത്തിന്റെ
കലപിലയുണ്ട്,
അവിടത്തെ ശബ്ദത്തിന്
പറങ്കിമാങ്ങായുടെ
മാധുര്യമുണ്ട്,
അവിടത്തെ നിശ്വാസങ്ങള്ക്ക്
നന്മയുടെ നിനവുകളുണ്ട്.
ആനന്ദമൂര്ച്ചയില്
അവരോടൊത്ത് ഭക്ഷണപ്പുരയിലേയ്ക്ക്...
കത്തിയും മുള്ളും
നിരത്തിവച്ച `കൊട്ടത്തളം'!
അഞ്ചുവിരലിന്റെ
പഞ്ചഗുസ്തിയറിയാത്ത
പാവം പാസ്റ്റയും പിസ്റ്റയും
ഹാംബര്ഗും സോസജ്ജും!
എന്തിനി ചെയ്യേണ്ടു?
കാളനോ ഓലനോ
ചിത്രത്തിലെങ്കിലും
കണ്തിരുന്നെങ്കിലെന്ന്
മനസ്സുപറഞ്ഞത്
കൂശിനിക്കരന് അറിഞ്ഞോ?
എങ്ങോ മണക്കുന്നു
അവിയലിന് ആരവം
ആ ദിശയിലേയ്ക്ക് മൂക്കുകളും,
പിന്നെ പാദങ്ങളും ചലിച്ചു!
അവിടത്തെ ചെന്പുപാത്രങ്ങള്ക്ക്
തറവാട്ടിന്റെ തവിട്ടുനിറം
അവിടത്തെ ചേരുവകള്ക്ക്
മുത്തശ്ശിയുടെ കൈപുണ്യം!
അങ്ങനെ കലാവിരുന്നിന്
കാഹളം മുഴങ്ങി,
പോപ്പും റാപ്പും
കണ്ണുകളേയും കര്ണ്ണങ്ങളേയും
തകര്ത്തെറിയവേ
ലാസ്യഭാവങ്ങള്ക്കായ്
കണ്ണുകള് പരതി....
അങ്ങപ്പുറത്ത്
മിനുക്കുകൂട്ടിന്റേയും
മിഴാവിന്റേയും വര്ണ്ണവിസ്മയം,
ആ ദിശയിലേയ്ക്ക് കണ്ണുകളും,
പിന്നെ പാദങ്ങളും ചലിച്ചു!
അവിടത്തെ ചലനങ്ങള്ക്ക്
ചെറ്റക്കുടിലിന്റെ ചിലന്പലുകളുണ്ട്,
അവിടത്തെ താളങ്ങളില്
കൂമന് മൂളുന്ന കൂവിച്ചയുണ്ട്!
എന്തിനിനി നാട്ടിലേയ്ക്കു പോണം!
എല്ലാമെല്ലാം ഓര്മ്മയില്
തിളങ്ങുന്നു!
ഓര്മ്മകളുടെ മാധുര്യം
ആവോളം നുകരാന്
അകന്നുതന്നെയിരിക്കം,
എല്ലാത്തിനും സൌന്ദര്യമുണ്ടപ്പോള്!!
Subscribe to:
Post Comments (Atom)
5 comments:
ഓര്മ്മകളുടെ മാധുര്യം
ആവോളം നുകരാന്
അകന്നുതന്നെയിരിക്കം,
എല്ലാത്തിനും സൌന്ദര്യമുണ്ടപ്പോള്!!
സത്യം..
നിനവോലയുടേ നിനവുകള്ക്ക് നിലാവിന്റെ നിറമാണല്ലോ... ഇന്നലെകളും ഇന്നുകളും ചേര്ന്ന ഒരു കണ്ണുപൊത്തിക്കളി..
ബ്ലോഗില് ആകര്ഷകമായി തോന്നിയത്...പ്രൊഫൈല് ഫോട്ടോയില് കാണുന്ന വിഷാദവും അരണ്ട വെളിച്ചത്തില് നിന്ന് നിറഞ്ഞ വെളിച്ചത്തിലേക്കുള്ള ആ നോട്ടവുമാണ്...കവിത ആ ഫോട്ടോയിലുണ്ട്,പോസ്റ്റ്
അത് ആര്ജ്ജിക്കേണ്ടിയിരിക്കുന്നു.മലയാളം കേള്ക്കുമ്പോഴുള്ള ആ വികാരങ്ങളുടെ തള്ളല് എല്ലാ പ്രവാസികളും അനുഭവിക്കുന്നുണ്ടാവും.
Ellathinum Saundharyamundu..niraye ..niraye .. Saundharyam...
saundfull memmories....
Post a Comment